افتح لى باب رحمتك

(( افتح لي باب رحمتـــــــــك ))

***


( مفتتح )


يارب من رحمتك تغفر ذنـــــــوب وذنـــــوب

وانا اللى شايل ذنوبى و ع المعاصي بتوب

افتح لى باب رحمتك وصلنى لرحابــــــــــك

يارب دا انتى اللي هـادي .. وانت رب قلوب


********


ياللى قلبك ناسى ربــــــــه

عمره مااتعلق بحبــــــــــــه

قرب أنت لحـــــد دربـــــــــه

هوّه فاتحلك بببانــــــــــــــه


***

انت تعصى وهو ساتـــــــــر

انت تنسى وهو فاكــــــــــر

يرزقك وانت اللي ناكــــــــــر

امتى يوم تخلص عشانـــــه


***

هوه بيحبــــــــــــــــك وانت

ف المعاصـــــى زى ما انت

امتى هاتعود تانــــى امتى

فرصتـــــــك دا الموت قبالك


***

دنيا ياللى ماسك لى فيهـا

بيعها أوعى تشتريهــــــــــا

فى النهاية هتلاقيهــــــــــا

فانيه أخرتها المهالــــــــــك


***

أجرى وأتمسك ببابــــــــــه

التمس توبه فى رحابـــــــه

عيش ما بين سُنة وكتابـــه

عمر يوم ما تعيش فى كرب


***

التمس منــــــــــــه الوصال

قولـــــــــــــه ذنبى كالجبال

عمـــــــــــره ما يردك محال

هوّه غافـــــــــــــر كل ذنب


***

نقــى قلبــــــــك م الذنوب

حـــــــج بيــــــت الله وتوب

خلى حــــــــــب الله يدوب

جوّه منك عيش فى حبــه


***

دا البعاد عنـــــــــــه مذلّه

والشيطان عمره ما عــــلا

والله محـروم منـــــــه والله
ـ
اللى مش عايش ف قربـه


********


زجل :
محمــــد ســــرور